بيقولك أوباما قبل الانتخابات إتصل بمبارك و قاله: عاوزك تبعتلي شوية ناس
من عندك عشان يسيحولي في الانتخابات واكسبها في الآخر
راح باعتله شوية من أعضاء الحزب الوطني
و بعديها بكام يوم لقى أوباما قام متصل بيه
و قالّه: الله يخرب بيتك و قام قافل السكة في وشه
لقي هيلاري كلينتون بتتصل بيه و بتقوله: الله يخرب بيتك و قفلت السكة في وشه
و بعديها بيل كلينتون اتصل و قاله: الله يخرب بيتك و قفل السكة في وشه برضه
الراجل هيتجنن وبيقول هوا فيه إيه؟
شوية كمان لقى بتوع الحزب الوطني بيتصلوا بيه من أمريكا
و بيقولوا: مبروك
يا ريس، انت كسبت الانتخابات الأمريكية
--------- --------- --------- ---------
مرة الريس كان عازم بوش وجاك شيراك في شرم الشيخ
و بعدين وهما قاعدين على الشاطئ
و الغواصين عماليين يغطسوا ويتفرجوا على العجائب اللي تحت المياه
قام بوش حب يتمنظر على الموجودين قام مطلع من جيبة قطعة
معدنية و قال "أنا هاأرمي القطعة دي في المية واللي هيجيبها من الغواصين دول
هاديلو نص مليون دولار ورماها"
مفيش ثواني وجابها واحد من الغواصين وأخد المبلغ
طبعا صاحبنا جاك شيراك قال إزاي بوش يعمل كدا هوا مش أحسن مني
قام مطلع قطعة معدنية من جيبة وعمل زي بوش وقال إللي هيجبها هاديلوا مليون
دولار ورماها ومفيش ثواني واحد من الغواصين طلع القطعة وأخد المبلغ
صاحبنا بقى بص عليهم كدا وقال يعني في بلدي ويتمنظروا عليا، مش ممكن، قام
مطلع قطعة من جيبة وقال إللي هيجيبها هديلوا 3 مليون دولار
....ساعتها إتنفض جمال وقاللو يا ريس مش هينفع الميزانية كدا هتتدمر قام
قاللو: إسكت يا حمار ده قرص فوّار
--------- --------- --------- ---------
انجازات حكام مصر
نجح السيد الرئيس عبد الناصر فى اخراج الانجليز من مصر
وقد نجح السيد الرئيس محمد انور السادات فى اخراج اليهود من مصر
وقد نجح السيد الرئيس محمد حسنى مبارك اطال الله فى عمره في اخراج المصرين من مصر
وفقه الله ومنحه الصحة والخير واليمن والبركات
--------- --------- --------- ---------
No comments:
Post a Comment